قانوني
سياسة الخصوصية
آخر تحديث: ٢٦ أكتوبر ٢٠٢٦
متجر برو منصة بتساعد التجار في مصر يعملوا متجر أونلاين ويستقبلوا طلبات الدفع عند الاستلام. الصفحة دي بتشرح بوضوح البيانات اللي بتعدّي علينا، بنعمل بيها إيه، ومين بيوصله منها حاجة — سواء كنت تاجر عندك متجر على المنصة، أو عميل طلب من متجر منهم.
١. إحنا مين
«متجر برو» (matgarpro.com) منصة بتأجّر للتجار متجر أونلاين جاهز: صفحات المنتجات، فورم الطلب، الداشبورد، تأكيد الطلبات على واتساب، والشحن.
لما عميل يطلب من متجر على المنصة، التاجر هو صاحب العلاقة مع العميل وهو اللي بيقرر يعمل إيه بالطلب. إحنا بنشيل البيانات ونشغّلها بالنيابة عنه، وبالطريقة اللي الصفحة دي بتوصفها بس.
٢. البيانات اللي بنجمعها
من التجار:
- الاسم، الإيميل، وكلمة السر (متخزّنة متشفّرة بطريقة ماحدش يقدر يرجّعها، ولا حتى إحنا).
- بيانات المتجر: الاسم، اللوجو، المنتجات وصورها، الدومين، والإعدادات.
- رصيد المحفظة، طلبات الشحن، وإيصالات التحويل اللي التاجر بيبعتها لنا.
- رقم الواتساب لو التاجر ربط رقمه، ورسايل المحادثات اللي عليه (تحت في «واتساب»).
- عنوان الـ IP ونوع المتصفح وقت الدخول، للحماية من الدخول اللي مش من صاحب الحساب.
من عملاء المتاجر:
- اللي العميل بيكتبه في فورم الطلب: الاسم، رقم الموبايل، العنوان، المحافظة، وأي خانة زيادة التاجر ضافها.
- الطلب نفسه: المنتجات، الكميات، الإجمالي، وحالته (اتأكد، اتشحن، اتسلّم، اترجع…).
- السلة المتروكة: لو العميل كتب رقمه في الفورم ومكمّلش الطلب، الرقم والمنتج بيتحفظوا عشان التاجر يقدر يكلّمه.
- ردود العميل على رسالة تأكيد الطلب على واتساب.
٣. بنستخدمها في إيه
- نشغّل المتجر ونوصّل الطلب للتاجر.
- نبعت للعميل رسالة تأكيد الطلب على واتساب، لو التاجر مفعّل الخدمة.
- نسلّم الشحنة لشركة الشحن اللي التاجر اختارها.
- نحاسب التاجر على الطلبات والخدمات من رصيده.
- سجل الاستلام: لكل رقم موبايل بنعدّ كام طلب اتسلّم وكام اترفض أو رجع على مستوى المنصة كلها، وبنوري التاجر الأرقام دي بس — من غير اسم المتجر التاني ولا تفاصيل طلباته — عشان يعرف قبل ما يشحن لو الرقم ده رفض شحنات كتير قبل كده.
- نحمي المنصة من الاحتيال والاستخدام الغلط، ونصلّح المشاكل.
مابنبيعش بيانات حد، ومابنستخدمش بيانات عملاء متجر لصالح متجر تاني (غير سجل الاستلام اللي فوق، بالأرقام بس). ومابنبعتش رسايل إعلانية لعملاء المتاجر.
٤. واتساب
التاجر بيختار تأكيد الطلبات من واحد من الاتنين:
- رقم متجر برو الرسمي: رقم واحد للمنصة على WhatsApp Business Platform من Meta. الرسالة بتعدّي على سيرفرات Meta، وبيوصلها رقم العميل ونص الرسالة (اسمه، رقم الطلب، المنتجات، الإجمالي، واسم المتجر)، وبيرجع لنا الزرار اللي العميل داس عليه.
- رقم التاجر نفسه: بيربطه بمسح كود، والرسايل بتطلع من رقمه عن طريق سيرفر بنشغّله إحنا. في الحالة دي كل رسايل الرقم — بما فيها اللي التاجر بيكتبها من موبايله — بتتحفظ في صفحة «المحادثات» في داشبورد التاجر، عشان يرد على عملاءه من مكان واحد. الصور والفويس مابنحفظهمش، بنحفظ سطر بيقول إنها وصلت بس.
تأكيد الطلب رسالة واحدة على الطلب اللي العميل لسه عامله، ولو ماردّش ممكن يوصله تذكير واحد بس. ومابنبعتش من خلالها أي رسايل تانية غير اللي بتخص طلبه.
٦. الذكاء الاصطناعي
بعض الأدوات في الداشبورد بتستخدم نموذج Claude من شركة Anthropic: كتابة وصف المنتج من صوره، تجهيز المتجر من وصف التاجر، صفحات الهبوط، وملخّص المحادثة والرد المقترح في «المحادثات».
الأدوات دي بتشتغل بس لما التاجر يدوس عليها، وبنبعت فيها اللي الأداة محتاجاه وبس — مثلاً ملخّص المحادثة بيبعت آخر رسايلها وطلبات العميل ده. الرد المقترح عمره ما بيتبعت للعميل لوحده؛ التاجر بيراجعه ويبعته بنفسه.
٨. بنحتفظ بيها قد إيه
- بيانات المتجر وطلباته: طول ما حساب التاجر شغّال.
- سجل رسايل واتساب: طول ما الحساب شغّال، لأنه السجل الوحيد لإيه اللي اتقال للعميل.
- بعد قفل الحساب بنمسح البيانات أو نشيل منها اللي يعرّف الشخص، إلا اللي القانون أو الحسابات المالية محتاجينه.
٩. الحماية
- كل الاتصال بالموقع والمتاجر مشفّر (HTTPS).
- كلمات السر متشفّرة تشفير مايرجعش، ومفاتيح الربط مع الخدمات التانية متشفّرة في قاعدة البيانات.
- كل تاجر بيشوف بيانات متجره بس، وفريقنا مابيفتحش بيانات متجر غير لما يكون فيه مشكلة لازم تتحل أو طلب من التاجر نفسه.
١٠. حقوقك
حسب قانون حماية البيانات الشخصية المصري (رقم ١٥١ لسنة ٢٠٢٠)، من حقك تعرف إيه البيانات اللي عندنا عنك، وتطلب نسخة منها، وتصححها، وتطلب مسحها، وتعترض على استخدامها.
- لو إنت تاجر: أغلب بياناتك بتعدّلها من إعدادات حسابك، وللباقي كلّمنا.
- لو إنت عميل متجر: الأسرع إنك تكلّم المتجر نفسه، لأنه صاحب طلبك. ولو مارد، كلّمنا إحنا وهنتابع معاه.
١١. مسح البيانات
عشان تطلب مسح بياناتك:
- ابعتلنا على واتساب أو الإيميل اللي تحت.
- اكتب الرقم أو الإيميل اللي بياناتك متسجلة بيه، ولو إنت عميل اكتب اسم المتجر اللي طلبت منه.
- هنتأكد إن الطلب من صاحب البيانات، ونرد عليك خلال ٣٠ يوم بإيه اللي اتمسح.
التاجر يقدر يقفل حسابه ويطلب مسح متجره كله بنفس الطريقة. ممكن نحتفظ بأقل حاجة يطلبها القانون — زي سجلات الفواتير والمدفوعات — للمدة اللي القانون بيحددها بس.
١٢. تواصل معانا
أي سؤال عن خصوصيتك أو طلب على بياناتك:
لو غيّرنا حاجة في الصفحة دي، هنعدّل تاريخ «آخر تحديث» اللي فوق.